Վարսան Շայըր | ծնվ. 1988թ., Մեծ Բրիտանիա

բրիտանացի գրող, բանաստեղծ, խմբագիր, ծնողները Քենիայից են, ծնվել է Սոմալիում: 2013թ. Բրյունել համալսարանի աֆրիկյան պոետների մրցանակին է արժանացել՝ հայտնվելով նախ՝ վեցյակում՝ ընտրված 655 դիմորդներիցմ և ապա՝ արժանանանլով առաջին մրցանակի:

«Ահա ներգաղթյալների առօրեական սյուրռեալիզմը», – ասում է Վարսանը, – «մի օր դու քո երկրում ես, ուրախ ես ու զվարթ, խմում ես մանգոյի հյութդ, իսկ հաջորդ օրը լոնդոնյան արվարձաններից մեկում ես, ու քո երեխաները խոսում են մի լեզվով, որը դու չես հասկանում»:

2011թ. գրված գրքում՝ «Սովորեցնել մորս, թե ինչպես ծննդաբերել», Վարսանն ավելի զգայական է, կիրառում է մի շարք լեզվական հնարքներ, խոսում է ցավի մասին: Պարզ չի, թե ընտանեկան պատմությունները որքանով են ինքնակենսագրական: Մինչդեռ փախստականների ու ներգաղթյալների պատմությունները, նշում է մի հարցազրույցում, ձայնագրում է իրական մարդկանցից, որ կիսվում են ներգաղթյալների փորձառությամբ: Օր.՝ Սոմալիում ապրող կինը, որ պարում է օտարների առաջ, քիչ առաջ մազահեռացում էր արել, կամ աղջիկը, որ աղավնու արյան շնորհիվ կարողացել էր խաբել փեսացուին ու նրա մորը՝ հավատացնելով, որ կույս է:

Համագործակցել է Բիյոնսեի հետ «Լիմոնադ» ալբոմի շրջանակում: