Գարուն | ֆոտոշարք - տեքստ հարթակ

08 Jul Գարուն | ֆոտոշարք

Posted at 13:26h in ֆոտոշարք by hasmik 0 Comments

Սալվադոր Դալի

գարուն | ֆոտոշարք

…Եվ դու տխուր պարպեցիր գարեջրիդ գավաթը`
հազիվ զսպելով
կոկորդ քերծող ջրհեղեղը.
արցունքների ցուցահանդես պետք չէր:
Հետո դուրս նայեցիր գարեջրատան պատուհանից
և ինքդ քեզ համար հայտնաբերեցիր,
որ աղջիկները այս գարնանը
փշաքաղվելու չափ գեղեցկացել են,
որ դու արդեն քսան տարեկան ես`
ողորմածիկ Դուրյանի հասակին,
որ ժամանակը լուցկու նման այրվում է,
որ դու նույն գրպանահատն ես մնացել,
որ ամեն ինչ ձանձրալի է ու տափակ,
որ Սյուզին գարուն շատ էր սիրում,
որ դրսում գարուն է, և դու պիտի…
պետք է մոռանաս բոլոր կորուստներդ,
անտեսես միայնությունդ
ու սիրես, սիրես, սիրես մարդկանց…